Բրիտանական ավտոարտադրող Jaguar-ը տեսահոլովակով ցուցադրել է իր հեղափոխական տեխնիկական լուծումը, որը թույլ է տալիս ավտոմեքենան «թափանցիկ» դարձնել, փոխանցում է Spectrum-ը:
Համակարգը կոչվում է 360 Virtual Urban Windscreen եւ կազմված է մի քանի տեսախցիկներից: Դրանք տեղադրված են այնպես, որ ցուցադրում են ավտոմեքենայի արտաքին հատվածը, որը ծածկված է վարորդի աչքից: Պատկերն արտացոլվում է մեքենայի սրահի ներսում, ինչն էլ թափքի այդ տարրերի թափանցիկության էֆեկտ է ստեղծում, փոխանցում է Gazeta-ն:
Ավելին, համակարգը ցուցիչների օգնությամբ հետեւում է վարորդի գլխի շարժումներին՝ դրանց համապատասխան «թափանցիկ» դարձնելով ձախ կամ աջ կողմը:Համակարգն ունի նաեւ Follow Me նավիգացիա. Դիմապակուն պրոեկտվում է դիմացից գնացող մեքենայի պատկերը, որը վարորդի օգնում է հասնել հարկ եղած վայր: