«Զվարթնոց» օդանավակայանը քիչ առաջ վերսկսել է իր բնականոն աշխատանքը, մառախուղը, որի պատճառով Մին-Վոդիից եւ Դոնի-Ռոստովից Երեւան ժամանող երկու ինքնաթիռները չէին կարողացել վայրէջք կատարել Երեւանում, ցրվել է: Այս մասին NEWS.am-ի թղթակցիան ասաց «Զվարթնոց» օդանավակայանի հանրային կապերի պատասխանատու Գեւորգ Աբրահամյանը:
Ինչպես ավելի վաղ հաղորդել էր NEWS.am-ը, դեկտեմբերի 20-ին Մին-Վոդիից եւ Դոնի-Ռոստովից Երեւան ժամանող ինքնաթիռները եղանակային վատ պայմանների՝ մառախուղի պատճառով չեն կարողացել վայրէջք կատարել «Զվարթնոց» օդանավակայանում: Դոնի-Ռոստովի ինքնաթիռն ուղեւորվել էր Սոչի, իսկ Մին-Վոդիից եկող ինքնաթիռը վերադարձել է Մին-Վոդի:
