Որակավորման 1-ին փուլ, 2-րդ հանդիպում
8 հուլիսի, Թել Ավիվ, Բլյումֆիլդ ստադիոն
Շալեւ, 45+1, 1:0
Վերջին տարիների տխուր ավանդույթը հայկական ֆուտբոլում փոխել առայժմ չի ստացվում: Մեր ակումբների համար եվրագավաթային մրացաշարերի առաջին փուլը դառնում է անհաղթահարելի արգելք: Այս տարի եւս պայքարի մեջ մտած մեր առաջին երկու ակումբները հենց մեկնարկում դուրս մնացին պայքարից:
Եվրոպայի լիգայում նորամուտը նշած Երեւանի Ուլիսը երկու հանդիպումների արդյունքում տանուլ տվեց Իսրայելի Բնեյ Յեհուդային: Թիմերի առաջին խաղը Երեւանում ավարտվել էր ոչ ոքի` 0:0 հաշվով: Իսկ պատասխան խաղում, այսօր Թել Ավիվում Ուլիսը պարտվեց 0:1 հաշվով: Առաջին խաղակեսին ավելացված ժամանակում գոլի հեղինակ դարձավ Մենաշ Շալեւը:
Դրանից մեկ ժամ առաջ Եվրոպայի լիգան լքել էր նաեւ Երեւանի Բանանցը, որը 0:4 ընդհանուր հաշվով պարտվեց Անորտոսիսին:
Եվրոպայի լիգայի երկրորդ ընտրական փուլից պայքարը կսկսի Միկան: