Թուրքիայի արտգործնախարար Ահմեդ Դավութօղլուն եւ ԱՄՆ պետքարտուղար Հիլլարի Քլինթոնը հեռախոսազրույց են ունեցել, որի ընթացքում քննարկել են ահաբեկչության դեմ պայքարին, Իրանի միջուկային ծրագրին առնչվող հարցեր։
Զրույցի ընթացքում կողմերը շոշափել են Գազայի հատված մարդասիրական օգնություն տեղափոխող նավատորմի հարցը։ Քլինթոնը Դավութօղլուին պատմել է իր՝ Հարավային Կովկաս կատարած այցի մասին։
ԱՄՆ Պետդեպարտամենտի ներկայացուցիչ Ֆիլիպ Քրոուլիի խոսքով, Քլինթոնը պատրաստակամություն է հայտնել օգնել Թուրքիային՝ Քրդական աշխատավորական կուսակցության դեմ պայքարում։ «Այն մնում է Թուրքիայի, ԱՄՆ-ի եւ Իրաքի ընդհանուր թշնամին, հետեւաբար մենք շարունակում ենք աջակցել Թուրքիային՝ լուծելու Քրդական աշխատավորական կուսակցության հետ ունեցած խնդիրները»,- ասել է Քրոուլին։