Facebook սոցիալական կայքը սկսել է փորձարկել Place Tips գործառույթը, որն օգտատերերին հուշումներ է ուղարկելու նրանց գտնվելու վայրի վերաբերյալ: Այս մասին տեղեկանում ենք Facebook պաշտոնական բլոգում:
Գործառույթի գաղափարն այն է, որ երբ օգտատերը մոտենա որեւէ տեսարժան վայրի, խանութի, ռեստորանի կամ այլ վայրի, որը կարող է նրա պոտենցիալ հետաքրքրությունների շրջանակում լինել, Facebook-ը նրան վարդագույն push-հաղորդագրություն կուղարկի:
Հաղորդագրությունը բացելով՝ օգտատերը կարող է տեսնել վայրի լուսանկարը, նրա նկարագրությունը, բաժանորդագրվել նրա ֆեսյբուքյան էջին, ինչպես նաեւ իմանալ, թե իր ընկերներից ով է եղել այստեղ եւ նույնիսկ լուսանկարվել: Բացի դրանից՝ օգտատերը կարող է տեղեկանալ, թե առաջիկայում ինչ միջոցառումներ են նախատեսվում այս վայրում:
Գործառույթը կողմնորոշվում է GPS եւ Wi-Fi կապի միջոցներով:
Այս պահին գործառույթը փորձարկվում է Նյու Յորքի տեսրժան վայրերում՝ Կենտրոնական այգում, Թայմս Սքուերում, Բրուքլինի կամրջի վրա, Ազատության արձանի եւ JFK օդանավակայանի տարածքներում:
