Թուրք հաքերները գողացել են հազարավոր իսրայելցիների բանկային հաշվեհամարների, կրեդիտ քարտերի եւ PayPal-ի տվյալներ ու այդ տեղեկատվությունը տեղադրել ինտերնետում։ Իսրայելական We-CMS բլոգի հաղորմամբ, այդ տեղեկատվությունը տեղադրվել է թուրքական ինտերնետ-ֆորումներից մեկի կայքում։
Բացի 32 561 իսրայելցիների տվյալներից, գողացվել է նաեւ իսրայելական կառավարական 140-ից ավելի կայքերի գաղտնաբառեր եւ ավելի քան 300 իսրայելական ակադեմիական վեբ կայքերի գաղտնաբառեր։
Globes բիզնես լուրերի ծառայության հաղորդմամբ, ինտերնետ ահաբեկիչների կողմից ստացված էլեկտրոնային հասցեները եւ գաղտնաբառերը նաեւ պարունակում են Facebook-ի, Gmail-ի եւ Microsoft Live Messenger-ի գրանցման տվյալներ։