Իտալիայում աշխարհի ամենամեծ տորթն են պատրաստելու: Այն «ճտքակոշիկի» տեսք է ունենալու, ընդ որում՝ յուրաքանչյուր շրջան իր հատվածն է պատրաստելու:
Հսկայական տորթը զարդարված է լինելու Իտալիայի հիմնական հուշարձաններով եւ յուրաքանչյուր շրջանին հատուկ մթերքներով: Գաղափարն Իտալիայի «cake»-դիզայներների ազգային ասոցիացիայինն է:
Հրուշակագործները մտադիր են գերազանցել Գինեսի ընթացիկ ռեկորդը, որը սահմանել են Անգլիայի հրուշակագործները: Դրա համար այն պետք է 120 քառակուսի մետրից ավելի լինի:
Տորթը պատրաստելու են Իտալիայի լավագույն հրուշակագործները, որոնց ընտրելու են մարտի 27-29-ին Միլանում կայանալիք միջոցառման ժամանակ: Վերջնական փուլ անցնելու համար յուրաքանչյուր հրուշակագործ պետք է իր շրջանին բնորոշ լավագույն տորթը պատրաստի:
