Հայաստանի կառավարությունն այսօր՝ փետրվարի 26-ի նիստում որոշում կկայացնի, որի համաձայն «Գազպրոմ Արմենիա» ընկերությանը պետք է 1,5 մլրդ դրամ վճարի Հայաստանում անապահով ընտանիքներին մատակարարված բնական գազի համար տրվող մասնակի փոխհատուցման դիմաց:
Առաջարկը ներկայացրել է ՀՀ էներգետիկայի եւ բնական պաշարների նախարար Երվանդ Զախարյանը։
Որոշման մեջ, մասնավորապես, նշվում է. «ՀՀ էներգետիկայի նախա¬րարին` ՀՀ օրենսդրությամբ սահմանված կարգով ապա¬հովել նախարարության համակարգի պետական ընկերությունների` նախորդ տարիների գործունեության արդյունքներով հաշվարկված՝ Հայաստանի Հանրապետության պետական բյուջե վճարման ենթակա շահութաբաժնի վճարումից հետո ընկերությունների տրամա¬դրության տակ մնացած եւ չբաշխված շահույթների հաշվին 1,512,653,520 դրամ գումարի վճարումը «Գազպրոմ Արմենիա» փակ բաժնետիրական ընկերությանը` որպես ՀՀ կառավարության 2011 թվականի մարտի 31-ի N 335-Ն որոշման 1-ին կետում նշված՝ Հայաստանում ընտանեկան նպաստի իրավունք ունեցող ընտանիքների կողմից 2013 թվականի հուլիսի 7-ից մինչեւ 2014թ. դեկտեմբերի 31-ը ընկած ժամանակահատվածում սպառված բնական գազի համապատասխան քանակության համար մասնակի փոխհատուցման գումարի վճարում՝ հիմք ընդունելով «Գազպրոմ Արմենիա» փակ բաժնետիրական ընկերության կողմից ներկայացված համապատասխան տեղեկատվությունը»: