Ամերիկյան Google կորպորացիան ծրագրում է երկու տարվա ընթացքում 1 մլն եվրոպացիների «թվային հմտություններ» ուսուցանել: Ըստ The Financial Times-ի, ինտերնետ-հսկան փոփոխություններ է մտցրել իր եվրոպական բիզնեսում: Մասնավորապես, ըստ հոդվածի, Google-ը կմիավորի Եվրոպայի իր երկու բաժանմունքները:
Նոր բիզնեսը ղեկավարելու է Մեթ Բրիթինը, որի կենտրոնակայանը կլինի Լոնդոնում: Բրիթինը հայտարարել է, որ միասնական կառույցն ընկերությանը թույլ կտա ավելի լավ արձագանքել «տեղի պայմաններին եւ հնարավորություններին»:
Բացի այդ, Google-ը կհայտարարի նոր նախաձեռնությունների մասին: Հինգշաբթի Բրիթինը Բրյուսելում կհաղորդի, որ ընկերությունը պարտավորվում է երկու տարվա ընթացքում 1 մլն եվրոպացիների «թվային հմտություններ» կուսուցանի: Ընկերության ներկայացուցիչը նաեւ կտեղեկացնի, որ Google-ն աջակցում է «միասնական թվային շուկայի» ստեղծման ծրագրերը: Խոսքը Եվրահանձնաժողովի ղեկավար Ժան-Կլոդ Յունկերի առաջարկության մասին է:
Ըստ Gazeta-ի, Բրիթինը նաեւ նշել է, որ փոփոխությունները մրցակցային ճնշման պատասխանն են: Վերջերս Google-ի ներկայացուցիչը շփվել է հրատարակիչների հետ: «Շատերը թրաֆիկի հիմնական մասը ստանում են Facebook-ից կամ Twitter-ից, այլ ոչ թե Google-ից»,- ասել է նա՝ հավելելով, որ «մենք ապրում ենք մի աշխարհում, որտեղ մեծ թափ են հավաքում դինամիկան եւ մրցակցությունը»:
