ՀՅԴ-ն իզուր չէր ոչ իշխանական Եռյակի ուժերին (ԲՀԿ, ՀԱԿ, «Ժառանգություն») զգուշացնում արյան ու հիասթափության մասին: Այս մասին այսօր՝ փետրվարի 27-ին, ԱԺ-ում ճեպազրույցների ժամանակ նշել է ՀՅԴ խմբակցության ղեկավար Արմեն Ռուստամյանը:
Նրա խոսքով՝ չպետք է մտածել, որ հասարակության խնդիրները կարելի է լուծել հանրահավաքներով: «Մենք նախազգուշացնում էինք՝ ձեռնպահ մնալ արյունից եւ հիասթափություններից: Այն տրամաբանությամբ, որով առաջնորդվում էր Եռյակը, անխուսափելի էր կամ մեկը, կամ մյուսը: Եթե որեւէ մեկը փորձում է ձեռնպահ մնալ դրանից, մենք պատրաստ ենք համագործակցել»,-հավելել է նա:
«Անբարոյական է փոփոխությունների համար զոհեր պահանջելը, հատկապես եթե դու ինքդ այդ զոհը չես պատրաստվում դառնալ»,-ընդգծել է Ռուստամյանը:
