Փետրվարի 27-ին էկոնոմիկայի նախարար Կարեն Ճշմարիտյանն ընդունել է Իրաքի տրանսպորտի նախարար Բաքիր Ջաբեր Ալ-Զուբաիդիի գլխավորած պատվիրակությանը:
ՀՀ էկոնոմիկայի նախարար Կարեն Ճշմարիտյանը շնորհավորել է հյուրերին «Իրաքյան ավիաուղիների»` Հայաստան կատարած առաջին թռիչքի կապակցությամբ եւ համոզմունք հայտնել, որ ավիացիայի ոլորտում համագործակցության հաջող փորձը հիմք կհանդիսանա երկու երկրների առեւտրատնտեսական արդյունավետ փոխգործակցության համար:
Իրաքի տրանսպորտի նախարար Բաքիր Ջաբեր Ալ-Զուբաիդին շնորհակալություն է հայտնել ջերմ ընդունելության համար եւ կարեւորել է երկու երկրների գործարար համայնքների ներկայացուցիչների հանդիպումը` առեւտրաշրջանառությունը զարգացնելու նպատակով:
Այդ համատեքստում էկոնոմիկայինախարար Կարեն Ճշմարիտյանը իրաքցի գործարարներին հրավիրել է Հայաստան` ապրիլի 26-28-ը Երեւանում անցկացվող «Արտադրված է Հայաստանում Էքսպո 2015» («Made in Armenia Expo 2015») ցուցահանդեսինմասնակցելու, տեղում գործարար կապեր հաստատելու եւ հետագայում միասին աշխատելու նպատակով: Նա նաեւ մանրամասն ներկայացրել է Հայաստանի գործարար միջավայրը եւ արտահանման տեսանկյունից նպաստավոր ուղղությունները:
Հանդիպման ավարտին պայմանավորվածություն էձեռք բերվել Իրաքի Հանրապետությունում Հայաստանի դեսպանի միջոցով Իրաքի գործարար համայնքին փոխանցել Հայաստանի ներդրումային փաթեթը եւ այլ անհրաժեշտ տեղեկատվություն` ներդումային եւ գործարար միջավայրերի վերաբերյալ:
