2014 թվականի չորրորդ եռամսյակում շուկայում ամենատարածվածն iPhone սմարթֆոններն են եղել, ինչն Apple-ին հնարավորություն է ընձեռել վաճառքի ծավալներով գերազանցել Samsung-ին: Այս մասին գրում է TechCrunch-ը՝ վկայակոչելով Gartner-ի հետազոտությունը:
Ամերիկյան ընկերությունը չորրորդ եռամսյակում շուրջ 75 մլն սմարթֆոն է վաճառել, մինչեւ կորեական հսկան՝ 73 մլն: Մեկ տարի առաջ Samsung-ի արդյունքները 83 մլն էին՝ Apple-ի 50 մլն-ի դիմաց:
Ըստ Gazeta-ի, սմարթֆոնների վաճառքի թվով երրորդ ընկերությունը Lenovo-ն է, որն ավելի քան 24 մլն սարք է իրացրել: Այս ցուցանիշում ընդգրկված է նաեւ Motorola-ի վաճառքը, որն ավելի վաղ ձեռք էր բերել չինական ընկերությունը:
21 մլն վաճառքի ցուցանիշով Lenovo-ին հետեւում է Huawei, իսկ հնգյակը եզրափակում է Xiaomi-ն, որն ավելի քան 18 մլն սմարթֆոն է վաճառել: Ընդհանուր առմամբ, չորրորդ եռամսյակում շուրջ 368 մլն սարք է վաճառվել:
