Հայաստանի հասարակությանը կառուցողական ընդդիմություն է անհրաժեշտ։ Այդ մասին լրագրողներին ասել է ԱԺ փոխնախագահ, ՀՀԿ մամուլի քարտուղար Էդուարդ Շարմազանովը։ Հարցին, թե իշխանության ինչին է պետք ընդդիմությունը, Շարմազանովը հակադարձել է, թե ընդդիմությունն առաջին հերթին անհրաժեշտ է ժողովրդին։
«Կարծիք կա, որ եթե իշխանությունը վատն է, իսկ ընդդիմությունը՝ լավը, ով ընդդիմության կողմից է, ուրեմն ժողովրդի կողմից է։ Մենք պետք է սովորենք տարանջատել, առաջին հերթին՝ պետությունը իշխանությունից, ընդդիմությունը՝ ժողովրդից։ Ինչպես եվրոպական ժողովրդավարությանմբ դասական երկրներից»,- ասել է Շարմազանովը։ Իսկ դրա համար հարկավոր է գաղափարների պայքար, այլ ոչ անձերի հակամարտություն, ասել է նա։
«Դա էլ հենց ինստիտուցիոնալ ընդդիմությունն է, իսկ այդպիսի ուժեր կան թե խորհրդարանում, թե խորհրդարանից դուրս։ Ուժեր, որոնց հետ ամեն մի ընտրությունը ցնցման չի վերածվի, իշխանության կորուստը մահվան, իսկ ընդդիմության վերադարձը՝ վրեժի հավասարազոր չի լինի»,- ասել է նա։
«Իշխանությունն ու ընդդիմությունը երկու թեւեր են։ Մեկը լավ չի, ծռվում է ամեն ինչ։ Ուստի մենք շահագրգիռ ենք, որ առողջ լինեն երկու թեւերն էր»,- նկատել է Շարմազանովը։
