![](img/news/25/58/67/default.jpg)
Փոխհատուցում պահանջելն անիմաստ զբաղմունք է. վնաս է հասցվել հակամարտության երեք կողմերին էլ՝ ե՛ւ Հայաստանին, ե՛ւ Ադրբեջանին, ե՛ւ Լեռնային Ղարաբաղին: Այս մասին NEWS.am-ի թղթակցի հետ զրույցում հայտարարեց ռուսաստանցի քաղաքագետ Ալեքսանդր Սկակովը:
Անդրադառնալով ադրբեջանցի փորձագետ Շելալե Հասանովայի հայտարարությանն այն մասին, որ Ադրբեջանը պետք է միջազգային մակարդակով Հայաստանից փոխհատուցում պահանջի, նա ընդգծեց. «Դա հիմարություն է, ոչ ավելին: Դա ոչ մի հետեւանք չի կարող եւ չի ունենա: Փոխհատուցումը հնարավոր է, եթե ագրեսոր-երկիր կա. այն, ինչ տեղի ունեցավ, օրինակ, Գերմանիայի հետ Առաջին կամ Երկրորդ աշխարհամարտից հետո»:
Ալեքսանդր Սկակովը փաստում է, որ այս դեպքում ագրեսոր-երկիր չի եղել եւ չկա: «Կար Խորհրդային միության փլուզման իրավիճակ: Իրականում դա պարզապես մի երկրի շրջանակում քաղաքացիական պատերազմից անցում է Լեռնային Ղարաբաղի անկախության համար պատերազմի»,- նկատեց ռուսաստանցի քաղաքագետը: