Գերմանական G-Power-ը BMW M550d-ի դիզելային տարբերակի չիպ-թյունինգ է ներկայացրել՝ «ունիվերսալ» թափքով: Ընկերության ներկայացուցիչները մեքենան «ամենաարագ դիզելային BMW» եւ «համաշխարհային ռեկորդակիր» են կոչել:
Առայժմ, սակայն, չի հստակեցվում, թե «համաշխարհային ռեկորդակիր» ասելով՝ ինչ նկատի ունեն:
D-Tronik 5 V1 սարքի շնորհիվ առավելագույն արագության էլեկտրոնային սահմանափակիչի գործողության շեմը 250-ից հասել է 300 կմ/ժ-ի: Փորձարկման ժամանակ մեքենան մինչեւ 271.4 կմ/ժ արագություն է զարգացրել:
Ըստ Motor-ի, մինչեւ 100 կմ արագություն ավտոմեքենան զարգացրել է 4.5 վայրկյանում՝ սովորական տարբերակից 0.2 վայրկյանով ավելի արագ:
G-Power-ի առցանց-խանութում D-Tronik 5 V1-ն արժե 2.758 եվրո:
5-Series-ի համար G-Power-ի ամենաթանկ «չիպը» Bi-Tronik 5 V4-ն է՝ M5 մոդելի համար: Այն արժե 13.804 եվրո:
