Ադրբեջանում այնքան են ոգեւորվել «սեւ ցուցակների» գաղափարով, որ որոշել են ստեղծել նոր ցուցակներ։
Ինչպես փոխանցում է haqqin.az-ը, անվտանգության ոլորտի մասնագետ Քամիլ Սալիմովը հայտարարել է, որ անհրաժեշտ է ստեղծել Ադրբեջանում հավատարմագրման ցանկություն ունեցող լրատվամիջոցների «սեւ ցուցակ», ընդ որում այդ ցուցակը պետք է կազմվի ԱԳՆ-ում գոյություն ունեցող սեւ ցուցակի համանմանությամբ։ Այսինքն՝ Լեռնային Ղարաբաղի մասին գրող լրատվամիջոցները պետք է հայտնվեն «սեւ ցուցակում»։
Հիշեցնենք, որ Ադրբեջանի ԱԳՆ «սեւ ցուցակում» են հայտնվում բոլոր այն օտարերկրացիները, որոնք այցելում են ԼՂՀ առանց Բաքվի իմացության։ Այդ ցուցակում, ի թիվս այլոց, հայտնվել է աշխարհահռչակ օպերային երգչուհի Մոնսերատ Կաբալիեն։