![](img/news/26/25/95/default.jpg)
Ֆրանսիական «Marianne» ամսագիրը ապրիլին 100 էջանոց հատուկ համար է թողարկել՝ նվիրված հայերին եւ Ֆրանսիայում նրանց դերին: Հատուկ համարի թեման է՝ «Հայերը. ֆրանսիական պատմությունը»: Խմբագրությունում որոշումը բացատրել են Հայոց ցեղասպանության 100-րդ տարելիցի մոտենալու հանգամանքով, ինչպես նաեւ քրիստոնյա Արեւելքում տիրող իրավիճակով:
«Ֆրանսիայի եւ Հայաստանի միջեւ բազմադարյա պակտ գոյություն ունի, հավանաբար այն պատճառով, որ երկու ժողովուրդները խոչընդոտում են աշխարհում մեծ անկարգության հաստատմանը եւ հրաժարվում են հեռանալ պատմությունից: 11-րդ դարում այդ միությունը հաստատվեց առաջին Կապետինգների եւ Բագրատունիների սերունդների միջեւ, որոնք իշխում էին հայկական Կիլիկյան թագավորությունում»,- գրել է ամսագիրը:
«Marianne»-ը նշել է, որ Հայաստանի եւ Ֆրանսիայի միջեւ սերտ կապեր են հաստատվել դիմադրության ոգու շնորհիվ: «Մենք կարող ենք գրել, որ առանց հայերի մեր երկիրն այնպիսին չէր լինի, ինչպիսի այսօր է»,- ընդգծել է պարբերականը: