Ոստիկանության Երեւան քաղաքի վարչության օպերատիվ կառավարման կենտրոն զանգահարած քաղաքացին հայտնում էր, որ Նուբարաշենի կամրջի տակ զենք-զինամթերք է թողել:
Ոստիկանության մամուլի ծառայությունից հայտնում են, որ մեկնած օպերատիվ խումբը նշված վայրից, պոլիէթիլենային պարկում, հայտնաբերել է տարբեր տրամաչափի 630 փամփուշտ, 3 նռնակ՝ առանց պայթուցիչի, նռնակի 2 պայթուցիչ, 2 դետոնատոր եւ 5,6 մմ տրամաչափի փամփուշտ կրակելու համար նախատեսված ինքնաշեն հրացան:
Հայտնաբերվածն ուղարկվել է փորձաքննության:
Կատարվում է հետաքննություն:
