Ավելացված արժեքի հարկի վճարումը 3-5 տարով հետաձգել հնարավոր չէ: Այս մասին, այսօր՝ ապրիլի 22-ին, կառավարության նիստում հայտարարել է ֆինանսների փոխնախարար Վախթանգ Միրումյանը՝ ներկայացնելով «ԱԱՀ մասին» օրենքի փոփոխությունների նախագծի վերաբերյալ կառավարության եզրակացությունը: Օրինագծի հեղինակը ԲՀԿ խմբակցության պատգամավոր Միքայել Մելքումյանն է:
Օրինագծի հիմնավորման մեջ նշվում է, որ ԱԱՀ վճարման հետաձգումը ներդրումային ծրագրերի դեպքում կօգնի բիզնեսին ներդրումների ծախսերը ծածկելու ժամկետների մեծացման ֆոնին:
Այդուհանդերձ, կառավարության հիմնավորման մեջ նշվում է, որ ԱԱՀ-ն որպես անուղղակի հարկ չի կարող ազդել ծախսերի ծածկման վրա՝ ի տարբերություն շահութահարկի:
