Ոստիկանության Սպիտակի բաժնում, օրերս հաղորդում էր ստացվել, որ Սպիտակի Ա. Մանուկյան փողոցում գտնվող դիտահորերի վրայից գողացել են թուջե 2 կափարիչ` պատճառելով 50.000 դրամի նյութական վնաս:
Ոստիկանության մամուլի ծառայությունից հայտնում են, որ բաժնի ծառայողների ձեռնարկած օպերատիվ-հետախուզական միջոցառումների շնորհիվ, նշված գողությունը կատարելու կասկածանքով, իր բնակարանից բերման է ենթարկվել 1963 թ. ծնված Վազգեն Պ.-ն:
Պարզվել է, որ նա ապրիլի 18-ին, ժամը 01.00-ի սահմաններում, Ա. Մանուկյան եւ Ն. Աճեմյան փողոցների խաչմերուկի հարեւանությամբ գտնվող դիտահորի վրայից գողացել է դիտահորի կափարիչը եւ իր «ԳԱԶ-3102311» մակնիշի ավտոմեքենայով տեղափոխել իր տան բակ:
Ձեռնարկված միջոցառումների շնորհիվ պարզվել է նաեւ, որ նա ապրիլի 19-ին, ժամը 01.30-ի սահմաններում, Ա. Մանուկյան փողոցի եւ Շիրակի խճուղու խաչմերուկի հարեւանությամբ գտնվող դիտահորի վրայից գողացել է դիտահորի կափարիչ եւ ավտոմեքենայով տեղափոխել տան բակ:
Գողոնն առգրավված է:
Կատարվում է հետաքննություն:
