«Հրապարակ» թերթը գրում է. «Ժամը 13-ի սահմաններում, մինչեւ բոլորովին վերջերս երկրորդ հուժկու քաղաքական ուժ համարվող ԲՀԿ-ն երեկ հուշահամալիր էր այցելել չափազանց համեստ խմբով, որն առաջնորդում էին քաղաքաշինության նախկին նախարար Վարդան Վարդանյանը, Գեղարքունիքի նախկին մարզպետ Նվեր Պողոսյանը, պատգամավոր Վահե Էնֆիաջյանը եւ Երեւանի ավագանու ԲՀԿ խմբակցության ղեկավար Թամարա Պողոսյանը:
Ուշագրավ էր, որ ԲՀԿ-ականներին հետեւում էր նաեւ կուսակցությունը լքած պատգամավոր Արայիկ Աղաբաբյանը: Կեսօրն անց Ծիծեռնակաբերդում էր արդեն «Ժառանգության» առաջնորդ Րաֆֆի Հովհաննիսյանը` փոքրիկ շքախմբով, որից հետո՝ արմատական ՀԱԿ-ը, հիմնադիր նախագահ Լեւոն Տեր-Պետրոսյանի գլխավորությամբ: Չնայած 100-ամյակի հնչեղությանը, ՀՀ չինովնիկներն ու քաղաքական գործիչներն այս տարի խուսափում էին լրատվամիջոցների հետ շփումից` պատճառաբանելով անձրեւոտ ու ցուրտ եղանակը»:
Առավել մանրամասն՝ թերթի այսօրվա համարում
