Իսպանիայի Ազգային գրադարանն ավարտել է տպագիր առաջին գրքերի բարձրորակ թվայնացման աշխատանքների առաջին փուլը: Դրանք այժմ հասանելի են համացանցում:
ՏԱՍՍ-ի փոխանցմամբ, առայժմ խոսքը XV դարի 350 գրքերի մասին է, որոնցից 50-ը եզակի են: Այդ գրքերը տպագրված են լատիներենով, իսպաներենով եւ կատալոներենով, Բարսելոնայում, Սեւիլյայում եւ Բուրգոսում գերմանացի վարպետների հիմնած տպարաններում:
Այսպիսով, այսուհետ ցանկացած ընթերցող կարող է առանց տանից դուրս գալու ծանոթանալ իսպանական տպագրության թանկարժեք նմուշներին:
Իսպանիայի Ազգային գրադարանի հաջորդ քայլը կլինի XV-XVI դարերի հրատարապությունների թվայնացումը: