Թերթի տեղեկություններով՝ «ԱՄՆ-ը, ի դեմս Հայաստանում այդ երկրի դեսպան Մարի Յովանովիչի, փորձում է առաջիկա խորհրդարանական ընտրություների շեմին իշխանությունների եւ ընդդիմության միջեւ տանելի եւ համագործակցության մթնոլորտ ձեւավորել»: «Որպես այդպիսի հնարավորություն՝ դիտարկվում է Կոնգրեսում ավելի արմատական ու ազատական թեւի եւ իշխանությունների միջեւ երկխոսության դաշտ բացել, բանակցել առաջիկա ընտրությունների շուրջ:
Որպես արմատական եւ ազատական թեւ՝ ԱՄՆ դեսպանը նկատի է առել ՀՀՇ-ին, եւ, ըստ մեր տեղեկությունների, փորձել է ՀՀՇ արդեն նախկին ղեկավարության եւ իշխանության վերնախավի ներկայացուցիչների հանդիպում կազմակերպել: ՀՀՇ-ն, ըստ ամենայնի, այդ իմաստով պարարտ հող է դարձել ոչ միայն այն պատճառով, որ դժգոհ է եղել ՀԱԿ-ի պասիվ կեցվածքից կամ՝ որ Կոնգրեսում հստակ ընդգծված ազատական ուժ է, այլեւս արեւմտամետ կողմնորոշում ունի ու դժգոհ է ՀԱԿ-ում ազդեցիկ առանձին անձանց նախաձեռնությամբ վերջին 3-4 ամիսների ընթացքում սկսված «պրոռուսական» խաղերից: Մեր աղբուրները չեն հերքում, որ ՀՀՇ-ն իսկապես բանակցել է իշխանության ներկայացուցիչների հետ, բայցեւ չեն հաստատում այն տեղեկությունը, թե՝ այդ կուսակցության վերնախավի անդամները իշխանության հետ քննարկել են առաջիկա ընտրություններին ՀԱԿ-ից առանձին մասնակցելու հարցը»:
