2010 թվականի օգոստոսի 3-8-ը հերթական անգամ Հայաստանում (Հանքավանում) կայանալու է աշխարհասփյուռ Սոցիալ-դեմոկրատ Հնչակյան կուսակցության (ՍԴՀԿ) երիտասարդական բանակումը:
Ինչպես NEWS.am-ը տեղեկանում է կուսակցության մամուլի ծառայությունից, բանակումի բացումը տեղի է ունենալու «Եռաբլուրի» պանթեոնում, օգոստոսի 3-ին՝ ժամը 11:00-ին:
Բանակումին մասնակցելու համար Հայաստան են ժամանել մի շարք արտասահմանյան երկրների Հնչակյան կուսակցության կառույցները ներկայացնող երիտասարդներ, որոնց կմիանան կուսակցության Հայաստանի մարզային կառույցների բազմաթիվ երիտասարդներ: Բանակումն ունենալու է 120-ից ավելի մասնակիցներ: