Սյունիքի մարզի 5 գյուղերում տարածքներ կհատկացվեն Զանգեզուրի պղնձամոլիբդենային կոմբինատի թափոնների համար։

Ինչպես մայիսի 21-ին կայացած Կառավարության նիստում հայտարարեց տարածքային կառավարման եւ արտակարգ իրավիճակների առաջին փոխնախարար Վաչե Տերտերյանը, օտարման ենթակա է 491 հա տարածք Արծվանիկ, Սեւաքար, Աճանան, Չափնի եւ Սյունիք գյուղերում։ Փոխնախարարի խոսքով՝ տարածքները ընտրվել են՝ տեխնիկական նորմերի եւ ռելիեֆի առանձնահատկություններից ելնելով։ Տարածքները գնելու են Զանգեզուրի պղնձամոլիբդենային կոմբինատի հաշվին։

Հիշեցննեք, որ մայիսի 7-ին Կառավարությունն հավանություն էր տվել Զանգեզուրի կոմբինատի պոչամբարների վերամշակման ներդրումային ծրագիրը։