ԵՄ-ն պետք է ցույց տա, որ Ադրբեջանի հետ սերտ համագործակցություն հնարավոր չէ, քանի դեռ իշխանությունները չեն բարելավել երկրում մարդու իրավունքների վիճակը: Այս մասին ասված է Human Rights Watch իրավապաշտպան կազմակերպության տարածած հաղորդագրության մեջ։
Փաստաթղթի մեջ ասվում է, որ Եվրոպացի առաջնորդները պետք է Ռիգայի գագաթաժողովի ընթացքում հանդիպումներն օգտագործեն, որպեսզի Ադրբեջանի իշխանություններին կոչ անեն ազատ արձակել բոլոր քաղբանտարկյալներին:
«Ռիգայի գագաթնաժողովը լավ հնարավորություն է, որպեսզի բարձրացնեն կառավարության քննադատներին ազատ արձակելու և ակտիվիստների դեմ ճնշումները դադարեցնելու հարցը»,-ասել է Human Rights Watch-ի ներկայացուցիչը։
ԵՄ արտգործնախարարներին ուղղված հատուկ նամակում իրավապաշտպան կառույցի ղեկավարը կոչ է անում խիստ պատասխան տալ Ադրբեջանի իշխանությունների կողմից քաղաքացիների իրավունքների ու ազատությունների ոտնահարումներին ու հրաժարվել մասնակցել Եվրոպական խաղերի միջոցառումներին:
