Մայիսի 21-ին Աստանայում 8-րդ տնտեսական ֆորումի ժամանակ ԵՏՀ կոլեգիայի անդամ Արա Նռանյանը պատմել է ազգային եւ վերազգային շահերի միջեւ հավասարակշռություն պահպանելու մասին։

Ինչպես NEWS.am-ը տեղեկանում է ԵՏՀ մամուլի ծառայությունից, ֆորումին մասնակցում են աշխարհի 80 երկրների տնտեսական եւ բիզնես հանրության 3000 ներկայացուցիչներ։

Ինչպես նշել է Նռանյանը, ԵՏՄ ստեղծելիս անդամները ինքնակամ իրենց լիազորությունների մի մասը ուղղել են ինտեգրված միությանը, եւ այստեղ առաջ է գալիս վերազգային կարգավորման եւ ազգային բացառությունների հնարավորության խնդիրը։

Նռանյանի կարծիքով՝ ինտեգրման գործընթացը արդյունքում հանգեցնելու է ԵՏՄ-ում աշխատանքի որոշակի  բաժանմանը, ինչը բնական է, քանի որ ոչ մի երկիր չի կարող մրցունակ լինել բոլոր ճյուղերում։

ԵՏՀ նախարարը հիշեցրել է հայ-ղազախական տնտեսական  հարաբերությունների զարգացման հնարավորության մասին՝ նշելով, որ երկու երկրների միջեւ բիզնեսը թույլ է տեղեկացած մեկը մյուսի հնարավորությունների մասին։ Ընդ որում երկրներից ամեն մեկի տնտեսությունն իր առավելությունն ունի։ Արդյունաբերական ու գյուղատնտեսական ապրանքների փոխանակումը, փոխադարձ տուրիզմի զարգացումը լավ հող կնախապատրաստի Հայաստանի եւ Ղազախստանի միջեւ համագործակցության եւ երկխոսության համար։