Մայիսի 10-ին, ժամը 23.55-ին, հիվանդանոցից ոստիկանության Էրեբունու բաժնում հաղորդում էր ստացվել, որ «որովայնի առաջային պատի եւ ձախ նախաբազկի կտրած-ծակած վերք» ախտորոշմամբ բուժօգնության է տեղափոխվել 1991 թ. ծնված Հայկազ Մ.-ն, որը, ըստ բժշկի տեղեկանքի, ի վիճակի չի եղել հաղորդում տալու:
Ոստիկանության լրատվության վարչությունից հայտնում են, թե նա հիվանդանոցում հայտնել էր, որ վնասվածքներն ստացել է Նոր-Արեշում` դանակահարություն հետեւանքով:
Ոստիկանության ծառայողների ձեռնարկած միջոցառումների շնորհիվ պարզվել է, որ նշված օրը, ժամը 22.30-ին, Արցախի փողոցի թիվ 1 հասցեի մոտ, վիճաբանության ժամանակ, Հայկազ Մ.-ին դանակով հարվածել եւ վնասվածքները պատճառել է 1989 թ. ծնված Վահան Խ.-ն:
Վերջինս ներկայացել է բաժին եւ տվել բացատրություն:
Կատարվում է քննություն:
