Հայաստանում 2014թ. գործազրկության մակարդակը աճել է 1.4 տոկոսային կետով՝ կազմելով 17.6 տոկոս։ Այս մասին ասված է Հայաստանի 2014թ. պետբյուջեի կատարման հաշվետվության մակրտոտնտեսական մասում, որի հարցով քննարկումները սկսվել են Հայաստանի խորհրդարանում։

2014թ. միջին աշխատավարձը, 2013թ. հետ համեմատ, աճել է 8.3 տոկոսով եւ կազմել 171.3 հազար դրամ։ Այդ թվում՝ պետական սեկտորի աշխատավարձը աճել է 9.0 տոկոսով, իսկ մասնավոր սեկտորում՝ 7.3 տոկոսով եւ կազմել է 151.5 հազար եւ 199.1 հազար դրամ համապատասխանաբար։ Իրական աշխատավարձը (սղաճը հաշվարկած) աճել է 5.1 տոկոսով։