Տավուշի մարզպետ Հովիկ Աբովյանը նույնպես պատրաստ է պայքարել էլեկտրաէներգիայի թանկացման դեմ։ Այս մասին այսօր՝ մայիսի 26-ին, Ազգային ժողովում բյուջեի կատարողականի քննարկումից առաջ լրագրողներին ասաց Տավուշի մարզպետը։
Մարզպետը հույս հայտնեց, որ սակագնի բարձրացում չի լինելու։ Հակառակ դեպքում ինքն էլ է պատրաստ պայքարել դրա դեմ։
«Եթե բարձրացում լինի, անհանգստացած կլինենք, բայց նմանատիպ գործընթաց չի սկսվել։ Մենք կարող ենք մեր բողոքի ձայնը քաղաքակիրթ ձեւով բարձրացնել»,- ասաց մարզպետը։
Նշենք, որ ՀԷՑ-ը դիմել է Հանրային ծառայությունների կարգավորող հանձնաժողովին՝ հոսանքի սակագինը, նախնական մոտ 16 դրամով բարձրացնելու համար։ Հոսանքի թանկացմանը կհաջորդի առաջին անհրաժեշտության ապրանքների թանկացումը, որը մեծ հարված կլինի ցանկացած ՀՀ քաղաքացու գրպանին։
