Եվրասիական տնտեսական միությունը, չնայած այսօրվա դժվարություններին, մեծ ապագա ունի։ Այս մասին ԱՊՀ անդամ երկրների պատվիրակությունների ղեկավարների հետ հանդիպմանը հայտարարել է Ղազաստանի նախագահ Նուրսուլթան Նազարբաեւը։
«Ես վստահ եմ, որ այս միությունը մեծ ապագա ունի՝ չնայած այսօրվա դժվարություններին եւ միտումներին»,- մեջբերում է Նազարբաեւի խոսքը «ՌԻԱ Նովոստի»-ն։
Նա նաեւ նշել է, որ այս պահին ինքը ԱՊՀ բոլոր անդամների ինտեգրացիային այլընտրանք չի տեսնում։ «Ես միշտ ասել եմ, որ ԱՊՀ-ն լավ ներուժ ունի։ Կառավարությունների ղեկավարների հանդիպումը մեծ արժեք ունի, բայց հիմա, երբ բոլորը ճգնաժամի մեջ են, արտահանվող ապրանքների գները նվազում են, անհրաժեշտ է միասին աշխատել եւ համագործակցել։ Եթե դուրս գանք քաղաքական իրադարձություններից, ապա ինտեգրացիան այլընտրանք չունի»,- հայտարարել է Ղազախստանի նախագահը։