«Հիմնադիր խորհրդարանի» անդամները անտարբեր չեն մեր երկրի ճակատագրի նկատմամբ: Այս մասին այսօր՝ մայիսի 30-ին Ազատության հրապարակում անցկացվող «100 ամյակն առանց ռեժիմի» շարժման հանրահավաքին ասաց Քաղաքագետների միության նախագահ Հմայակ Հավհաննիսյանը՝ ավելացնելով, որ ինքը սատարում է այս ուժին, քանի որ նրանք անկաշկանդ եւ ակտիվ կերպով արտահայտում են իրենց քաղաքական դիրքորոշումը:
«Ես ցանկանում եմ զորավիգ լինել նրանց, որովհետեւ իրենք այսօր ենթարկվում են հետապնդումների: Անպայման մարդիկ պետք է հնարավորություն ունենան ազատ գործելու եւ իրենց տեսակետն ազատ արտահայտելու, եւ քանի որ իրենց քաղաքական ակտիվությունը փորձել են ճնշել, ինչքան էլ համաձայն չլինեմ նրանց տեսակետներին, աջակցում եմ նրանց»,- ասաց քաղաքագետը:
Նշենք, որ այսօր՝ Ազատության հրապարակում տեղի ունեցավ «Հիմնադիր խորհրդարանի» հանրահավաքը, որին ներկա էր նաեւ Հմայակ Հովհաննիսյանը:
