Այս տարի նորաձեւության միտումներից մեկն է դարձել, այսպես կոչված, «գեղարվեստական» արեւայրուքը: Շատերն են այդպես անում, սակայն մասնագետները պնդում են, որ դա, ինչպես նաեւ արեւայրուքի ցանկացած այլ տեսակ, բացասաբար է ազդում մաշկի վիճակի վրա, ծերացնում է այն եւ մեծացնում քաղցկեղի առաջացման ռիսկը:
Նախորդ տարի նորաձեւ էր հավասարաչափ արեւայրուքը, բայց այս տարի մարդիկ իրենց մարմնի վրա նկարներ են անում հատուկ քսուքների ու արեւի օգնությամբ:
Մարդու մարմնի վրա կարելի է նկարել ինչ ուզես, սկսած նախշերից, շերտերից ու տառերից, վերջացրած մեջքին բարդ զարդանկարով, հաղորդում է Planet-today-ը:
Այդ նախշերը ժամանակավոր դաջվածք են հիշեցնում եւ շատ անսովոր տեսք ունեն:
Շատ բժիշիկներ արդեն կոչ են արել դադարեցնել նման պրակտիկան, քանի որ պատկերների շուրջը ստացվող այրվածքները շատ վտանգավոր կարող են լինել մաշկի համար:
