Ազատության հրապարակում էլեկտրաէներգիայի թանկացման դեմ նստացույցի մասնակից չորս 19-ամյա երիտասարդներ միացել են «Բարեւ Երեւան» խմբակցության անդամ, ակտիվիստ Դավիթ Սանասարյանի հացադուլին: Այդ երիտասարդներն են՝ Ռոման Գալստյանը, Սերոժ Խաչատրյանը, Աշոտ Շահնազարյանը եւ Գոռ Կարապետյանը:
Երիտասարդները NEWS.am-ի հետը զրույցում նշեցին, որ իրենց հացադուլն անժամկետ է եւ այն կշարունակեն այնքան ժամանակ, մինչեւ Ազատության հրապարակում մարդիկ հավաքվեն եւ հնարավոր լինի հասնել իրենց վերջնական նպատակին՝ էլեկտրաէներգիայի նոր սակագնի մասին որոշման չեղարկմանը:
«Հացադուլի միջոցով կոչ ենք անում ժողովրդին միանալ մեր պայքարն: Մենք պետք է համախմբվենք, էն մարդիկ ովքեր որ վախ չունեն, չեն մտածում, որ իրենց կտանեն բաժին եւ այլն խնդրում եմ բոլորին նաեւ պահանջում, որ միանան մեր պայքարին: Եթե աշխատանքի են, գոնե աշխատանքից հետո գան եւ մեր կողքին կանգնեն»,- ասաց հացադուլավորներից Աշոտ Շահնազարյանը:
Հացադուլի մասնակից տղաները նշեցին, որ հոսանքի թանկացման դեմ պայքարել են հենց ցույցերի առաջին օրերից: Նրանք մասնակցել են նաեւ Բաղրամյան պողոտայում 14 օր տեւած նստացույցին:
«Ամսի 19-ից պայքարում ենք, դաժե տուն չենք գնացել, չենք հանգստացել, բայց մենք մենակ չենք կարող, բոլորը պետքա գան: Ինչ սկսելա նստացույցը ես տանը չեմ քնել, մեկ ժամով գնացել եմ տուն, լողացել, սափրվել եւ եկել եմ, եթե տանն եմ եղել, իմ ուշքնու միտքն այստեղ ա եղել»,-ասաց Աշոտ Շահնազարյանը:
Նշենք, որ երիտաարդները ընկերներ են, բոլորը 19 տարեկան, նրանց բոլորի ծնողները դեմ են եղել հացադուլին, սակայն դա իրենց որոշման վրա չի ազդել:
Հիշեցնենք, որ ոստիկանությունը հուլիսի 6-ին, ոստիկանությունը ցրել է Բաղրամյան պողոտան երկու շաբաթ փակ պահած ցուցարարներին, որոնք ավելի ուշ հավաքվել են Ազատության հրապարակում։ Ցուցարարները ցանկացել էին երթ անցկացնել, սակայն ոստիկանությունը չէր թույլատրել: Ցուցարարներից շատերը գիշերել են Ազատության հրապարակում:
