«Էլեկտրիկ Երեւանի» մասնակից Միքայել Կիրակոսյանը քրգործը կարճելու մասին որոշման դեմ վերաքննիչ բողոք է ներկայացրել:
Այս առնչությամբ, Հելսինկյան քաղաքացիական ասամբլեայի Վանաձորի գրասենյակի տարածած հաղորդագրության մեջ նշվում է, որ 2017 թ. հունիսի 19-ին՝ ժամը 13:00-ին, ՀՀ Վերաքննիչ քրեական դատարանը կքննի «Էլեկտրիկ Երեւանի» մասնակից Միքայել Կիրակոսյանի եւ նրա ներկայացուցիչ, ՀՔԱ Վանաձորի գրասենյակի Երեւանի ներկայացուցչության իրավաբան Տաթեւիկ Սիրադեղյանի բողոքը:
Հիշեցնենք, որ 2015 թ. հուլիսի 6-ին բողոքի վայրից բռնությամբ բերման ենթարկվելու եւ դրա հետեւանքով վնասվածքներ ստանալու վերաբերյալ Մ. Կիրակոսյանի՝ հանցագործության մասին հաղորդման հիման վրա ՀՀ Հատուկ քննչական ծառայությունում հարուցված քրեական գործը կարճվել էր:
Որոշման դեմ ներկայացված բողոքը 2017 թ. մայիսի 11-ին Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանը մերժել է: