![](img/news/27/65/77/default.jpg)
Ֆինլանդիայում քննարկում են եվրոգոտուց դուրս գալու սցենարը։ Այս մասին Deutsche Wirtschafts Nachrichten-ին հայտարարել է EUD (Europeans United for Democracy) եվրոհոռետեսների քաղաքական դաշինքի գլխավոր քարտուղար Ռիչարդ Բիֆելտը, հաղորդում է «ՌԻԱ նովոստին»։
Նրա գնահատմամբ, շատ ֆինն քաղաքական գործիչներ համարում են, որ Ֆինլանդիան գտնվում է «ոչ այն ակումբում»։
Քաղաքական գործիչը նշել է, որ ապագայում երկրի իշխանությունները հաստատ կհրաժարվեն եվրոգոտու շրջանակներում եվրոպական ինտեգրացիոն գործընթացներից, քանի որ նման քաղաքականությունը ներկայումս աջակցություն չի գտնում հասարակության մոտ։
Նման տեսակի հայտարարությունների համար հիմք են հանդիսացել Հունաստանի շուրջ տեղի ունեցող իրադարձությունները, որտեղ հուլիսի 5-ին կայացած հանրաքվեի ժամանակ Հունաստանը դեմ է արտահայտվել վարկատուների առաջարկներին։
Ինչպես նշում է Deutsche Wirtschafts Nachrichten-ը, Ֆինլանդիայի կառավարութունը դեմ է հանդես գալիս Հունաստանին օգնելու վարկային ծրագրերին։