Եվրոպական կայունացման մեխանիզմը Հունաստանին 10-25 մլրդ եվրո կհատկացնի՝ բանկերի վերակապիտալիզացիայի համար։ Դրանից 10 մլրդ եվրոն հասանելի կլինեն անմիջապես, հաղորդում է ՌԻԱ նովոստին՝ վկայակոչելով փաստաթղթի նախագիծը, որն ընդունվել է Եվրոխմբի նիստի արդյունքում։
Փաստաթղթում նշվում է, որ բանկային համակարգի աջակցության այդ շտապ միջոցառումները թույլ կտան վերսկսել աշխատանքը եւ խուսափել ֆինանսավորման ընդհանուր ծավալի ավելացումից։
Եվրոպական կենտրոնական բանկը աշնանը համալիր գնահատական կտա բանկերի վիճակի վերաբերյալ։ Տրամադրվող միջոցների մնացած մասը կուղղվի բանկային համակարգի պաշտպանությանը՝ Հունաստանի կողմից համաձայնագրի պայմանները կատարելուց հետո։