Թուրքիայի զինված ուժերին պատկանող տանկերը հրետակոծել են Սիրիայի քրդաբնբակ գյուղերից մեկը:
Ինչպես տեղեկացնում է թուրքական Sozcu-ն` վկայակոչելով Սիրիայի մարդու իրավունքների ուսումնասիրման կենտրոնի հայտարարությանը, թուրքական տանկերը հրետակոծել են Սիրիայի Հալեպի շրջանի Զոր Մաղար քրդաբնակ գյուղը:
Նշենք, որ օրեր առաջ էլ Թուրքիան հայտարարել էր, թե «Իսլամական պետության» դիրքերին է ավիահարվածներ հասցնում, սակայն պարզվել էր, որ թուրքական օդանավերը ռմբակոծել են քուրդ զինյալների ճամբարները, որի ժամանակ վիրավորվել էին քաղաքացիական անձիք: