![](img/news/27/89/56/default.jpg)
Ամառվա շոգից պաշտպանվելու լավագույն միջոցներից մեկը պարբերաբար կաթնաթթվային մթերքներ օգտագործելն է: Ամռան շոգ ամիսներին խորհուրդ է տրվում օգտագործել մեծ քանակությամբ թան եւ մածուն:
Այս առնչությամբ «Աշտարակ-Կաթ» ընկերությունն իր սպառողներին առաջարկում է շոգին դիմակայել «Դասական» կաթնամթերքի, ինչպես նաեւ «Կովիկ» ցածր յուղայնությամբ կաթնամթերքի օգնությամբ:
Ընկերության մամուլի ծառայության փոխանցմամբ, մածունն ու թանը օժտված են բարձր բիոքիմիական ակտիվությամբ եւ պարունակում են կենդանի կաթնաթթվային մանրէներ, որոնք չեզոքացնում են օրգանիզմում առկա բացասական բակտերիաների ազդեցությունը: Դրանք ոչ միայն հագեցնում են ծարավը, այլ նաեւ թույլ չեն տալիս, որ օրգանիզմը ջրազրկվի: Կաթնաթթվային մթերքների օգտագործումը օգնում է նաեւ խուսափել ամռան ամիսներին այդքան հաճախ հանդիպող սննդային թունավորումներից:
Դասական կաթնամթերքի սիրահարներին ընկերությունն առաջարկում է 3.2 % յուղայնութամբ մածուն եւ 0.7 % յուղայնությամբ թան: Իսկ եթե ցանկանում եք ազատվել ավելորդ քաշից, նվազեցնել սրտի կաթվածի հավանականությունը եւ ունենալ բարեկազմ մարմին, ապա խորհուրդ է տրվում օգտագործել «Կովիկ» բրենդի ցածր յուղայնությամբ կաթնաթթվային մթերքները:
Այսպիսով՝ ամռան ամիսներին օգտագործելով կաթնամթերք՝մասնավորապես մածուն եւ թան, դուք բարելավում եք մարսողությունը, բարձրացնում իմունիտետը, մեղմում ուլտրամանուշակագույն ճառագայթման բացասական ազդեցությունն ու պարզապես զովանում եւ դիմակայում ամռան տապին: