![](img/news/27/90/00/default.jpg)
Հայաստանի կառավարությունը արել է եւ անում է ամեն բան «Նաիրիտ» գործարանը վերականգնելու համար։ Այս մասին հուլիսի 28-ին՝ խորհրդարանում կայացած հանդիպման ժամանակ, հայտարարեց Հայաստանի էներգետիկայի եւ բնական պաշարների նախարար Երվանդ Զախարյանը։
«Մենք շարունակում ենք պոտենցիալ ներդրողներ որոնել, սակայն, ցավոք սրտի, դեռեւս չենք գտնում նրանց։ Գործարանը բարդ վիճակում է։ Բայց մենք կորոնենք հնարավոր տարբերակները, որպեսզի նորից գործարկենք ձեռնարկությունը»,- վստահեցրեց նախարարը։
Հիշեցնենք, որ 2006թ. պետությունը «Նաիրիտ»-ի բաժնեմասերի 90%-ը 40 մլն դոլարով վաճառել էր բրիտանական Rhinoville Property Limited կոնսորցիումին։ ԱՊՀ Միջպետական բանկը 2006-ին Rhinoville Property Limited ընկերության համար 70 միլիոն դոլարի բանկային գիծ էր բացել, որը ընկերությունը չէր փակել։ Մոսկվայի արբիտրաժային դատարանը 2014թ. հունվարին բավարարել էր Միջպետական բանկի մասին հայցը` հայկական «Նաիրիտ» գործարանի սեփականատիրոջից պարտքեր դիմաց 90% բաժնեմասերը բռնագրավելու հայցը։ Մնացած 10%-ը պատկանում է Հայաստանի կառավարությանը։