Հուլիսի 28-ին, ժամը 12.50-ին, ոստիկանության Ամասիայի բաժնի ծառայողները, թմրանյութ պահելու կասկածանքով, Ամասիա գյուղի հուշարձանի մոտից իր «ՎԱԶ-2110» մակնիշի ավտոմեքենայով բերման են ենթարկել 26-ամյա Կարեն Կ.-ին եւ ուղեւոր 26-ամյա Արթուր Կ.-ին:
Ոստիկանության մամուլի ծառայությունից հայտնում են, որ խուզարկությամբ ավտոմեքենայի սրահից հայտնաբերվել եւ առգրավվել է 2,8 գ կանեփանման խոտաբույսի թաց թփերով ցողուն:
Կարեն Կ.-ն հայտարարել է, որ առգրավվածը պատկանում է իրեն, կանեփ է, որը քաղել է նույն օրը, ժամը 10.00-ի սահմաններում, Ամասիա գյուղի մերձակա ձորակից` հետագայում չորացնելու եւ ծխելու համար:
Նշանակվել է դատաքիմիական փորձաքննություն:
Կատարվում է հետաքննություն:
