Շվեյցարիայի Ալպերում զբոսանքը ողբերգությամբ է ավարտվել։ Լասկ քաղաքի մոտ Բեռլինի բնակչուհի 77-ամյա կինը կովերի նախրի զոհ է դարձել, որը անհայտ պատճառներով հարձակվել է տարեց գերմանուհու վրա եւ տրոորելով սպանել նրան։

Ինչպես հաղորդում է LifeNews-ը՝ վկայակոչելով գերմանական Bild պարբերականը, կինը որոշել է կրճատել ճանապարհը լեռնային ռեստորանից դեպի ճոպանաքարշակով երկաթուղի։

Երբ նա մոտեցել է կովերի նախրին՝ փորձելով շրջանցել այն, կենդանիները ուղղվել են նրա կողմը։ Կինն ընկել է եւ հայտնվել կովերի սմբակների տակ։

Կովերի հարձակման մասին ոստիկանությանն ահազանգել է այդտեղով անցնող հեծանվորդը։ Փրկարարները կնոջն արագ տեղափոխել են հիվանդանոց, սակայն 77-ամյա կինը ստացված վնասվածքներից մահացել է հենց տեղում։