Հետազոտողներ Ռունա Սեդվիքն ու Մայքլ Օգերը մեթոդ են մշակել, որը թույլ է տալիս անլար միացման միջոցով ազդել հրաձգության վրա եւ օգտագործել զենքի ծրագրային ապահովման խոցելիությունը: Այս մասին գրում է Wired-ը:
Մասնագետները պատրաստվում են Black Hat համաժողովի ընթացքում մեկ տարվա աշխատանքի արդյունքը ներկայացնել 13 հազար դոլար արժողությամբ Tracking Point երկու հրացանների վրա:
ՌԻԱ Նովոստիի փոխանցմամբ, մինչեւ հիմա նշան բռնելու համակարգչային համակարգով շուրջ 1.000 հրացան է վաճառվել: Ձգանը քաշելուց հետո համակարգչայնացված հրացանն ինքն է ընտրում կրակելու պահը՝ կրակելով այն պահին, երբ փողը հստակ կերպով ողղված է թիրախին: Այս տեխնոլոգիան թույլ է տալիս ոչնչացնել ավելի քան 1.5 կմ հեռավորությամբ գտնվող թիրախը:
Հրացանի խոցելիությունը կապված է այն հանգամանքի հետ, որ այն կարելի է որպես սերվեր օգտագործել: Այն Wi-Fi ունի՝ համակարգչի հետ սինխրոնացնելու համար: Երբ Wi-Fi-ը գործում է, գործարկվում է գաղտնաբառը, եւ այդ պահից հաքերը կարող է հավելվածում փոխել հրացանի թիրախը:
Հաքերներն ասում են, որ իրենց չի հաջողվել հրացանին ստիպել անսպասել կրակել, քանի որ Tracking Point-ից կարելի է կրակել միայն ֆիզիկապես ձգանը քաշելու դեպքում: Ամեն դեպքում, բացահայտված թերությունները մատնանշում են ապագայում հնարավոր խնդիրները, երբ մահացու զենքը կարող է անգամ միանալ համացանցին:
