![](img/news/28/00/86/default.jpg)
Կառավարությունը փոխանցել է «Նաիրիտ» գործարանի վերջին 600 աշխատակիցների աշխատավարձերը: Այս մասին այսօր՝ օգոստոսի 4-ին, NEWS.am-ի հետ զրույցում ասաց գործարանի մամուլի նախկին քարտուղար Անուշ Հարությունյանը` հավելելով, որ աշխատավարձերի հետ կապված խնդիրը փակվեց, սակայն իրենք շարունակելու են պայքարել գործարանի վերագործարկման համար:
«Բոլորի աշխատավարձերը փոխանցվել է, այլևս պարտք չկա: Սակայն, մենք շարունակելու ենք մեր պայքարը` գործարանի վերագործարկման պահանջով»,-ասաց նա:
Հիշեցնենք, որ գործարանի աշխատակիցների աշխատավարձը հատկացնում է պետությունը՝ էներգետիկայի ոլորտի պետական ընկերությունների շահույթի հաշվին:
Նաիրիտցիները բազմիցս բողոքի ակցիաներ են կազմակերպել կառավարության ու նախագահի նստավայրի մոտ՝ պահանջելով լուծում տալ իրենց խնդրին: Ձեռնարկությունը չի աշխատում 2010 թվականի ապրիլից: