Բաթումիում վերջին օրերին տեղացած հորդառատ անձրեւի պատճառով հայաստանցի զբոսաշրջիկների մի մասը նախատեսվածից շուտ է վերադառնում Հայաստան: Այս մասին NEWS.am-ի թղթակցին ասաց Բաթումիում ՀՀ գլխավոր հյուպատոս Արամ Գրիգորյանը:
Նա հայտնեց, որ եղանակի վերաբերյալ պաշտոնական տվյալները ոչ միշտ են համապատասխանում իրականությանը: Այդ պատճառով հայերի մի մասը հիասթափված վերադառնում են Հայաստան, քանի որ ցուրտ է եւ չեն կարողանում լողալ:
«Հիմա զբոսաշրջիկների թիվը նվազել է, քանի որ սեպտեմբերն է մոտենում, ուսումնական տարին է մեկնարկում: Ամեն դեպքում, հուլիսի տվյալներով՝ Վրաստան այցելել է 180 հազար հայաստանցի զբոսաշրջիկ, որը նշանակում է՝ մենք առաջին տեղում ենք: Օգոստոսի տվյալները դեռ չունենք, սակայն կարծում եմ՝ նորից առաջին տեղում ենք լինելու»,- ասաց Արամ Գրիգորյանը: