ՆԱՏՕ-ի գլխավոր քարտուղար Յենս Սթոլթենբերգը ու Վրաստանի վարչապետ Իրաքլի Գարիբաշվիլին օգոստոսի 27-ին Վրաստանում ՆԱՏՕ-ի ուսումնամարզական համատեղ կենտրոն են բացել։
Բացման արարողությունը տեղի է ունեցել «Կրցանիսի» Ազգային ուսումնական կենտրոնի տարածքում (Թբիլիսիի մոտակայքում)։ Միջոցառմանը ներկա էր Վրաստանի նախագահ Գեորգի Մարգվելաշվիլին ՝որպես ԶՈՒ գերագույն գլխավոր հրամանատար, Վրաստանի օրենսդիր ու գործադիր իշխանությունների բարձրաստիճան ներկայացուցիչները, նաեւ հյուսիսատլանտյան դաշինքի ներկայացուցիչները եւ վրացի զինծառայողները։
Վրաստանի ՆԱՏՕ-ի ուսումնական կենտրոնը բացվել է այն միջոցառումների շրջանակում, որոնք օգնում են Վրաստանին ՝ դաշինքին անդամակցելու նրա ձգտման մեջ։ Այն հաստատվել է 2014 թ․ սեպտեմբերին Ուելսում դաշինքի գագաթնաժողովի ժամանակ։ Կենտրոնում նախապատրաստվելու են դաշինքի եւ ՆԱՏՕ-ի գործընկեր երկրների զինծառայողները, հայտնում է «Սպուտնիկ-Վրաստանը»։