Ֆրանսիական Renault կոնցեռնի ռումինական ստորաբաժանումը՝ Dacia-ը, հայտնել է Duster Edition 2016 քրոսովերի ցուցադրության մասին: Մեքենան կներկայացնեն սեպտեմբերի 15-ին եւ 16-ին, գերմանական Ֆրանկֆուրտում նախանշված ավտոշոուի ընթացքում:
Dacia-ն այլ մանրամասներ չի բացահայտում: Միակ բանը, որ հայտնի է. խոսքը քրոսովերի նոր հագեցվածության եւ ոճային փոփոխությունների մասին է:
Ըստ «Ռոսիյսկայա գազետա»-ի, Dacia-ն Duster-ի թարմացված տարբերակը ներկայացրել է նաեւ 2015 թվականի փետրվարին Ժնեւում կայացած ավտոշոուի ընթացքում:
Այն ժամանակ բրիտանական Autoexpress կայքը հաղորդել էր, որ մեքենան 1.2 լիտր ծավալով թեթեւ բենզինե տուրբոշարժիչ ունի:
