«Յանդեքս» ընկերությունը խուլերի եւ վատ լսողների համար փորձարարական մոբիլ հավելված է թողարկել՝ «Զրույց» անվանումով, որը հիմնված է Yandex SpeechKit խոսքային տեխնոլոգիաների վրա: Այս մասին ընկերությունը տեղեկացրել է իր պաշտոնական բլոգում:
Առողջապահության համաշխարհային կազմակերպության տվյալներով, աշխարհի բնակչության 10%-ը լսողական խնդիրներ ունի, իսկ 1.5-2%-ը տառապում է ծանր խանգարումներից: Նման մարդիկ հաճախ ստիպված են լինում թուղթ ու գրիչ օգտագործել զրուցակցին հասկանալու համար:
Gazeta-ի փոխանցմամբ, «Զրույց» հավելվածը կոչված է այդ գործընթացը թեթեւացնելու: Այն հնչեցնում է ընտրված նախադասությունները, ինչպես նաեւ հասկանում է զրուցակցի խոսքը եւ վերածում տեքստի, բայց դրա համար առայժմ հարաբերական լռություն է անհրաժեշտ եւ մեկ խոսող:
