Հունաստանի ոստիկանությունը աղկարար նռնակներ է օգտագործել ներգաղթյալների դեմ, որոնք Լեսբոս կղզու Միտիլինի նավահանգստում փորձել են ենրխուժել Blue Star 1 լաստանավ, հաղորդում է Աթենքի նորությունների գործակալությունը:

Նավահանգստում մի քանի օր հազարավոր ներգաղյթլաներ են խմբվել, հիմնականում՝ աֆղաններ: Առավոտյան ժամը 8-ի սահմաններում նրանք «Աթենք, Աթենք» վանկարկումներով փորձել են ներխուժել լաստանավ: Ոստիկանությունն ու առափնյա պաշպանության ծառայությունը նռնակներ են նետել, իսկ նավի գրավումը հաջողվել է կանխել՝ բարձրացնելով կամրջակը, հաղորդում է «ՌԻԱ Նովոստին»:

Հունաստանի իշխանությունները լաստանավերով ներգաղթյալներին տեղափոխում են կղզիներից, որտեղ բարդ իրավիճակ է ստեղծվել փախստականների հոսքի պատճառով: Այսօր առավոտյան «Էլեֆթերիոս Վենիզելոս» լաստանավը Պիրեոս նավահանգիստ է տեղափոխել 2504 ներգաղթյալի Էգեյան ծովի չորս կղզիներից:

Կոս կղզում ոստիկանության բաժանմունքի մոտ երեկ բախումներ են եղել ներգաղթյալների եւ կղզու բնակիչների միջեւ: Նրանք իրար վրա քարեր են նետել, իսկ ոստիկանները արցունքաբեր գազ են կիրառել, երբ գաղթականները փորձել են գրոհել ոստիկանական բաժանմունքը: