Երեւանի Բաղրամյան պողոտայից այսօր՝ սեպտեմբերի 12-ին, վաղ առավոտյան բերման ենթարկված ցուցարարներն ազատ են արձակվել (ֆոտոռեպորտաժ): Այս մասին NEWS.am-ի թղթակցին հայտնեցին ոստիկանության լրատվական ծառայությունից:
Բերման ենթարկվածների վերաբերյալ կազմվել է արձանագրություն եւ նրանք ազատ են արձակվել:
Հիշեցնենք, որ սեպտեմբերի 11-ի երեկոյան էլեկտրաէներգիայի թանկացման դեմ պայքարող «Ոչ թալան»-ին նախաձեռնության անդամները փակել էին Երեւանի Բաղրամյան պողոտան՝ այնտեղ նստացույց սկսելով: Ոստիկանությունն առավոտյան 05:00-ից պարբերաբար ակցիայի մասնակիցներին հորդորում էր բացել Բաղրամյան պողոտան, սակայն ակտիվիստները շղթա կազմած կանգնել էին պողոտայում: Ժամը 05:30-ին իրավապահները շղթա են կազմել եւ ակտիվիստներին դուրս բերել պողոտայի երթեւեկելի հատվածից՝ նրանց մղելով մայթեզրի երկու կողմեր: Բերման է ենթարկվել 48 ակտիվիստ:
